साहित्य बिंदु

जय हो देवा मेरै बथिंदलुआ. ............ जय हो देवा मेरेै बथिंदलुआ, महाराजया मेरे ओ शाटकया। माता भगवती बोलू तां-साथे, तेरे पूजा  करू  जियु  क देवा ।। उंदे के बोलू सतलुज रा किनारा , उबड़ा तैरा मंदिर प्यारा। बांका अ तेरी भज्जी रा नजारा , गानवीं-पलग स्थान न्यारा।। पालकी रा तेरी नजारा शोपटा,चार भाये नचाओ जियु लबदा।  चालो जौ गूर रा शांगल चिमटा ,बाजौ ढोल नगाड़े हरणशिंगा । तेरै पंच बैठे बोलौ परमेश्वरो री, फैसले देओ माछ रे हक दै। जय जय कार  कुर्बाण करो ,तेरे नाओं जप य आवहान् करो।। अर्जो करु आपणेै दुःख तेरेेै द्वारेै, दुःख सुख लो शुणी तू म्हारे। बाट जे तू जीवणै रे दिखा , छोटू समझय माफ कर पाप म्हारे।। किरपा करे राखे तू उम्र सारी, हरे ल म्हरी सारी हारी बमारी। शक्तेै दे तू जियु दे लड़ने कै, सरीकौ न राखी उम्र ज्यूंदे सारी ।। जय हो देवा मेरै बथिदलुआ , महाराजया मेरै ओ शाटकया। माता भगवती बोलू तां-साथे, भूल चूक सारी माफ चाऊ देवा।।                               ...